La morte del bastardo Giordano
Cavuli e trivuli
mi calu e mi isu …
Chi pisu sta gran coppula i Suli
supra la me testa e casterri antichi,
supra li farchi e supra li furmichi.
Sentu acchianari lu sangu, lemmi lemmi,
la ciavula chi canta sennu sennu
o matri mia mi sbotu nta lu lettu
e sentu vunciu u pettu,
strittu strittu,
ntra na strummula e u mari!
Unni siti, unni siti “cumpari”?
Sugnu cca Capitanu,
u mi stoccu i stu ciancu,
sugnu fermu e taliu
ntornu ntornu firriu
e un mi scappa mai nenti
ne un diavulu o un ancilu,
ne un cutierru ne un pilu.
Gran cutugnu chi tegnu
ppi criari stu Regnu !
Sugnu pazzu e fitusu
scelleratu e rugnusu!
Siti un gran Cavaleri
ca un si ecca mai arreri!
E iu sugnu assa onoratu
d’essiri a Vui surdatu!
Ma la trumma firria
e la spata s’allorda,
caccia li denti e la mirra
e di li saraceni l’orda!
Sugnu iu Gabrieli
cu mi manna è u Signuri
ca pretenni una terra
senza infamia ne guerra!
Lu sintisti Giordanu
chistu Verbu Divinu?
Iu ti dicu, me figghiu
u surdatu chi vogghiu
è l’amicu perfettu
è lu ciancu protettu
è l’affettu
ppi tia
è chu forti du focu
e ppi tia, figghiu miu
chistu Regnu faciu!
Caru patri Vi dicu
ca Vi sugnu divotu!
Iu nun vogghiu ricchizzi!
Si sinceru m’abbrazzi
Nun c’è chu o Munnu avutra bidizza!
Sugnu iu Gabrieli
cu mi manna è u Signuri
ca pretenni una terra
senza infamia ne guerra!
Damuccilla sta terra
senza nfamia ne guerra!
Unni su tutti uguali
li cristiani e li mori
culli greci e l’ebrei
cu lu Re e cu lu Papa
sempri ncelu sta ppi tutti
U Signuri Criaturi …
Mentri dici, Giordanu, sti paroli
spunta ntra la negghia fitta
una donna assa bedda
chi tineva a lancedda!
Adelasia mi parsi
e ntra un svidiri e un vidiri,
gira vota e firria,
a vidi nfaccia a mia!
Picchi chianci Biddizza?
“Picchi u Suli cariu
e lu Munnu sbotaù
cu sta guerra serbaggia
ca mi veni gran raggia
si fa cadiri, amuri, a tia
Re du me cori e poesia!”
Dissi chistu e scumpariu.
Poi fu sangu e gran lotta …
Quanti matri chianceru,
quantu ciatu e curriu
nta la negghia firriu
pi circari u me cori.
“Unni si vita mia?”
Iu currennu dicia.
Po la cerca finiu
e nginocchiu carivu.
Sangu e latti chiancivu
e le frevi acchianau.
E lu vitti a Giordanu
stinnicchiatu,
sutta n’arbulu d’aulivi assittatu …
Cu la spata ‘nta manu,
cu la spata ‘nta manu … e na punta nto cori.
Ora chianciu me figghiu,
un sugnu patri, patrignu.
Beddu era, forti e citrignu
e pi fari stu rignu
mi muriu cummattennu!
Grida forti lu sangu
ma chu forti lu cori:
Sugnu Re di Sicilia,
ma nun c’è chu vigilia
di la festa disiata
cummattuta e truvata.
Giordanedu, me figghiu,
ti pigghiasti a mia, Diu!
Nta la gloria è la via
ca s’agghiutti u me cori.
Un si figghiu i regina
ma si figghiu ppi mia
ca ti chianciu e ti cercu
senza ciatu e pietate,
………………….ahhhhhhhhh
O duluri a virrina
spaccamillu stu pettu
sugnu un patri in difettu.
Giurdaneddu muriu.
Figghiu, figghiuzzu miu!
Nessun commento:
Posta un commento